د وړیا برښنايي کتابونو لپاره 12 غوره ویبپاڼې

که ته د کتاب مینه‌وال یې، تل نوې کیسې، رومانونه او درسي کتابونه لټوې، نو دا لیکنه ستا لپاره ده.
نن سبا په انترنت کې ډېرې داسې ویبپاڼې شته چې زرګونه کتابونه په وړیا ډول درکوي؛ هم کلاسیک ادب، هم درسي کتابونه او هم د شخصي پرمختګ کتابونه.

دلته به تاسو ته ۱۲ مشهوره او خوندي ویبپاڼې در وښيو چې له هغو څخه کولی شې وړیا  برېښنایي کتابونه Ebooks ښکته کړې.

1. PDFBooksWorld

د هغو کسانو لپاره ښه دی چې کلاسیک ادب خوښوي؛ لکه زاړه مشهوره ناولونه او کیسې.

په دې ویبپاڼه کې:

– زاړه مشهور کتابونه په ښایسته او منظم PDF بڼه ایښي دي
– لیک یې روښانه او لوستل یې اسانه دي
– په موبایل، ټابلیټ او کمپیوټر کې ښه ښکاري

2. BookBoon

د محصلانو او کارکوونکو لپاره ډېر ګټور دی.

په دې ویبپاڼه کې:

– د انجینرۍ، سوداګرۍ، مدیریت او نورو برخو وړیا درسي کتابونه شته
– کتابونه لنډ، ساده او په اسانه ژبه لیکل شوي
– د مسلک د زدکړې او د مهارتونو د لوړولو لپاره ښه سرچینه ده

که پوهنتون ته ځې او وړیا درسي PDF کتابونه غواړې، BookBoon مه هېروه.

3. Libtoon

هو، دا زموږ او ستاسو خپله ویبپاڼه ده. داسې دی لکه ته چې یو لوی کتابپلورنځي ته ننوتی یې، خو په انلاین بڼه.

دلته موندلای شې:

– داستاني او نادستاني کتابونه
– طبي، ساینسي او تعلیمي کتابونه
– کمیک او تصویر لرونکي کتابونه
– ځان‌مرستې (Self-help) او نور

ډیزاین یې ساده دی او د کتابونو ډولونه یې ډېر دي. که ته خوښوې چې بېلابېل ژانرونه وپلټې، لبتون ښه انتخاب دی.

4. Library Genesis (LibGen)

Library Genesis یا LibGen یو ډېر لوی انلاین کتابتون دی.

په دې ځای کې:

– د پوهنتون ډېری درسي کتابونه پیدا کېدای شي
– څېړنیزې مقالې او ساینسي لیکنې شته
– عمومي کتابونه هم لري، نه یوازې درسي

خو ډیزاین یې ساده دی، ښکلی نه دی؛ خو کتابونه یې ډېر دي. محصلان، استادان او څېړونکي یې ډېر کاروي.

5. PDFDrive

هغه وخت ډېر ګټور دی چې ته هر ډول کتاب ولټوې.

په دې ویبپاڼه کې:

– میلیونونه PDF کتابونه شته
– د ځان پرمختګ، رومان، دیني، تاریخي، درسي او نور ډولونه پکې شته
– سرچ یې قوي دی؛ د کتاب نوم ولیکه، ژر یې درته راوباسي
– ډېری کتابونه لومړی د کتنې (Preview) اجازه هم درکوي

که یو کتاب پیدا نه کړې، یو ځل یې په PDFDrive کې ولټوه، ډېری وختونه یې پیدا کوې.

6. Open Library

لکه یو لوی انلاین کتابتون دی.

ځانګړنې یې:

– میلیونونه کتابونه لري
– ځینې کتابونه په مستقیم ډول ډاونلوډ کېدای شي
– ځینې داسې دي چې ته یې “پور” اخلې او په ځانګړي وخت کې لوستلای شې
– زاړه او نوي دواړه ډول کتابونه لري

که ته د کتابتون فضا خوښوې، خو فزیکي کتابتون ته نه شې تلای، Open Library به درته ښه وي.

7. DigiLibraries

ساده او کاروونکي‌دوست ویبپاڼه ده.

په دې کې:

– رومانونه، لنډې کیسې، ساینسي او نور ډول کتابونه شته
– کتابونه ښه په کټګوریو ویشل شوي دي (رومان، ساینس، هنر، تاریخ…)
– په اسانۍ سره کولی شې د خپلې خوښې موضوع پیدا کړې

که په عمومي ډول لوستل درته خوند درکوي او یوازې غواړې یو څه پیدا کړې او ولولې، DigiLibraries ښه ځای دی.

8. Project Gutenberg

Project Gutenberg د وړیا ای‌بوکونو له پخوانیو او تر ټولو باوري پروژو څخه ده.

په دې ویبپاڼه کې:

– تر ۶۰ زرو ډېر کتابونه شته
– ډېری یې کلاسیک او زاړه عامه ملکیت کتابونه دي
– کتابونه په بېلابېلو بڼو کې شته: PDF، EPUB، Kindle او نور

که ته د کلاسیکو ناولونو او زړو ادبي اثارو مینه‌وال یې، دا ویبپاڼه باید حتماً ووینې.

9. FeedBooks

دوه ډوله کتابونه لري:

– وړیا کتابونه (عامه ملکیت)
– د پیسو په بدل کې نوي او معاصر کتابونه

کتابتون یې منظم دی؛ کولی شې:

– کلاسیک کتابونه پیدا کړې
– د ځانګړو ژانرونو (لکه جرم، فانتزي، ساینس فکشن) ناولونه ولټوې

که ته غواړې هم زاړه مشهور اثار ولولې او هم نوې کیسې، FeedBooks ښه ګډ انتخاب دی.

10. FreeTechBooks

که ته د ټیکنالوژۍ، کمپیوټر او پروګرامنګ زده کوې، FreeTechBooks به درته ډېر ګټور وي.

په دې ویبپاڼه کې:

– د کمپیوټر ساینس، پروګرامنګ او انجینرۍ کتابونه شته
– ډېر کتابونه درسي دي، ځینې د استادانو لکچر نوټونه دي
– ټول مواد په قانوني ډول وړیا دي (Open Access / Creative Commons)

که غواړې جاوا، پایتون، الگوریتم یا شبکې زده کړې او وړیا سرچینې ولټوې، FreeTechBooks حتماً وګوره.

11. Anybook

یو لږ توپیر لري؛ دا یوازې د کتاب ډاونلوډ نه، بلکې د لوستونکو ترمنځ د اړیکې ځای هم دی.

په Anybook کې:

– له ډېرو انلاین کتابتونونو سره نښلې
– میلیونونه کتابونه موندلای شې
– هم مشهور ناولونه او هم درسي سرچینې شته

موخه یې دا ده چې ستا بل ښه کتاب یوازې “یو کلیک لېرې” وي.

12. Standard Ebooks

عامه ملکیت زاړه کتابونه اخلي او په ډېرې ښایسته او منظمې بڼې یې بېرته خپروي.

په دې پروژه کې:

– کتابونه له سره سم‌لاسي (Proofread) کېږي
– لیک او ډیزاین یې مسلکي جوړېږي
– لوستل یې په موبایل او ای‌ریډر کې ډېر خوند کوي

که ته د مضمون تر څنګ ښکلې بڼه او پاک لیک هم خوښوې، Standard Ebooks به دې ډېر خوښ شي.

اوس د انترنت په مرسته کتاب ته رسېدل ډېر اسانه شوي دي. ته که:

– محصل یې،  مسلکي کارکوونکی یې، یا یوازې د کتاب د مینې له امله لولې؛ دا ۱۲ ویبپاڼې به درسره مرسته وکړي چې زرګونه کتابونه په وړیا ډول پیدا او ډاونلوډ کړې.

یو څو یې ازمویه، څو یې خپل موبايل یا کمپیوټر ته ښکته کړه او لوستل پیل کړه.

ته کومه ویبپاڼه د وړیا کتابونو لپاره ډېره خوښوې؟ د خپل نظر او تجربې یادونه په تبصرو کې راکړه.